АЗИЗХАН ИСМАИЛОВ: ТАПСЫРМАЛАРДЫҢ ОРЫНДАЛУЫН ӘРДАЙЫМ БАҚЫЛАУДА ҰСТАУ ҚАЖЕТ.

АЗИЗХАН ИСМАИЛОВ: ТАПСЫРМАЛАРДЫҢ ОРЫНДАЛУЫН ӘРДАЙЫМ БАҚЫЛАУДА ҰСТАУ ҚАЖЕТ.
Бүгін Қазығұрт ауданының әкімі Азизхан Исмаиловтың төрағалығымен кезекті аппарат мәжілісі өтті. Жиынға аудан әкімінің орынбасарлары, аппарат басшысы, ауыл округтерінің әкімдері мен бөлім басшылары қатысты.
Мәжілістің күн тәртібіне 5 (бес) өзекті мәселе қаралды.
1️⃣ 2025 жылы аудан әкімінің халықпен кездесулеріндегі хаттамалық тапсырмалардың орындалуы туралы;
2️⃣ Жастар ресурстық орталығының 2025 жылдың 9 айындағы атқарған жұмыстары мен алдағы жоспарлары туралы;
3️⃣ Отбасын қолдау орталығының 2025 жылдың 9 айындағы атқарған жұмыстары мен алдағы жоспарлары туралы;
4️⃣ Тілдерді оқыту және дамыту орталығының 2025 жылдың 9 айындағы атқарған жұмыстары мен алдағы жоспарлары туралы;
5️⃣ Елді мекен тұрғындарын табиғи газға қосу жұмыстарының барысы туралы.
Мәжіліс барысында аталған мәселелер жан-жақты талқыланып, нақты шешу тетіктері айқындалды. Аудан әкімі жауапты сала жетекшілеріне тапсырмалардың орындалу мерзімі мен сапасын қатаң бақылауда ұстауды тапсырып, «Әрбір бастама - тұрғындардың тұрмыс сапасын жақсартуға, ауданның әлеуметтік-экономикалық дамуына тікелей әсер етеді. Сондықтан нәтижеге бағытталған жүйелі жұмыс қажет», – деді.
Мәжіліс соңында аудан басшысы барлық бөлімдер мен ауыл округтерінің әкімдеріне нақты жоспар түзіп, тапсырмалардың уақытылы әрі сапалы орындалуын қамтамасыз етуді міндеттеді.