ҚАЗАҚ КҮРЕСІНЕН ҚАЖЫМҰХАН МҰҢАЙТПАСҰЛЫ ҚҰРМЕТІНЕ АРНАЛҒАН ҚАЛА БІРІНШІЛІГІ ӨТУДЕ

Бүгін «Балуан Шолақ» спорт кешенінде күш атасы- Қажымұқан Мұңайтбасұлы құрметіне арналған қазақ күресінен Түркістан қаласының ашық біріншілігі басталды.

Боз кілемде күресетін 300 спортшы Түркістан облысының түкпір-түкпірінен жиналған. Атап айтқанда, 13-15 жас аралығындағы Шардара, Сарыағаш, Түлкібас, Бәйдібек аудандары мен Түркістан, Кентау қаласынан жиналған спортшылар.

Сайыста қазылық етуге облыстың әр аймағынан 15 төреші шақырылды.

Бүгінгі боз кілемде 18-ге жуық палуан 40-42 кг салмақ дәрежесінде сынға түсті.

Жарыс нәтижесі ертең белгілі болады.