Қадірлі түркістандықтар! Ардақты ағайын!

Баршаңызды қасиетті Құрбан айт мерекесімен шын жүректен құттықтаймын!

Құрбан айт – мейірім мен жанашырлықтың, ынтымақ пен татулықтың, адамгершілік пен ізгіліктің ұлық мерекесі. Бұл күндері халқымыз мұқтажға қол ұшын созып, үлкенге құрмет, кішіге ізет көрсетіп, бауырмалдық пен бірліктің жарқын үлгісін танытады.

 

Түркістан – руханият пен берекенің ордасы. Осындай қасиетті мекенде татулық пен тұрақтылықтың сақталуы – баршамыз үшін үлкен мәртебе. Қаламыздың өсіп-өркендеуі жолында аянбай еңбек етіп жүрген барша азаматтарға алғысымды білдіремін.

 

Айт мерекесі әр шаңыраққа қуаныш, амандық және молшылық әкелсін! Ниеттеріңіз қабыл болып, жасаған игі істеріңіз бен дұға-тілектеріңіз қабыл болғай. Еліміз тыныш, жұртымыз аман, бірлігіміз бекем болсын!

 

Құрбан айт құтты болсын!

 

Құрметпен, Түркістан қаласының әкімі Әзімбек Пазылбекұлы