«ТАЗА ҚАЗАҚСТАН» ЭКОЛОГИЯЛЫҚ АКЦИЯСЫ АЯСЫНДА ЖАЛПЫҚАЛАЛЫҚ СЕНБІЛІК ӨТТІ

Түркістан қаласында «Таза Қазақстан» экологиялық акциясы аясында ауқымды жалпықалалық сенбілік ұйымдастырылды. Тазалық шарасына Түркістан облыстық табиғи ресурстар және табиғат пайдалануды реттеу басқармасы мен басқармаға қарасты «Жасыл аймақ» коммуналдық мемлекеттік мекемесінің қызметкерлері белсенді қатысып, қоршаған ортаны көркейтуге жұмылды.

Сенбілік барысында қызметкерлер бекітілген аумақтарды қоқыстан тазартып, санитарлық тазалық жұмыстарын жүргізді. Жалпы 50-ден астам қызметкер қатысып, жиналған тұрмыстық қалдықтар арнайы орынға шығарылды.

Акцияның негізгі мақсаты – қоршаған ортаның тазалығын сақтау, қала тұрғындарының экологиялық мәдениетін қалыптастыру және өңірдің көркеюіне үлес қосу. Ұйымдастырушылар мұндай тазалық шаралары алдағы уақытта да тұрақты түрде жалғасатынын айтты.