ТҮРКІСТАН ҚАЛАСЫНДА РЕФЕРЕНДУМ КҮНІ 16 СӘБИ ДҮНИЕГЕ КЕЛДІ

Түркістан қаласында референдум күні қуанышты жаңалықтармен есте қалды. Қаладағы медициналық мекемелерде түнгі сағат 00:00-ден 18:00-ге дейін 16 сәби дүниеге келді.

Дәрігерлердің мәліметінше, дүниеге келген сәбилердің 9-ы ұл, 7-еуі қыз. Ана мен балалардың жағдайы жақсы, барлығы дәрігерлердің бақылауында.

Айта кетейік, ел өміріндегі маңызды күнмен тұспа-тұс келген бұл қуанышты оқиға жаңа өмірдің басталуымен ерекшеленіп отыр.

Жас ата-аналарды шын жүректен құттықтай отырып, дүниеге келген сәбилерге амандық, мықты денсаулық және жарқын болашақ тілейміз.