ЕЛІМІЗДЕ КОНСТИТУЦИЯЛЫҚ РЕФОРМАЛАРҒА ҚАТЫСТЫ ЖАЛПЫҰЛТТЫҚ РЕФЕРЕНДУМ БАСТАЛДЫ

Бүгін, 15 наурыз күні елімізде конституциялық реформаларға қатысты жалпыұлттық референдум басталды.

Референдум – халықтың еркін білдіруінің маңызды тетіктерінің бірі. Осыған байланысты республика бойынша барлық сайлау учаскелері белгіленген уақыттан бастап жұмысын бастады. Азаматтар өздеріне бекітілген сайлау учаскелеріне барып, дауыс беру арқылы ұсынылған өзгерістер мен толықтыруларға қатысты өз таңдауларын жасай алады.

Мемлекеттік органдар тарапынан референдумның заң талаптарына сәйкес, ашық әрі әділ өтуі үшін барлық қажетті ұйымдастыру шаралары қамтамасыз етілген. Дауыс беру учаскелерінде бақылаушылар мен комиссия мүшелері жұмыс істеп, тұрғындардың дауыс беру құқығын еркін жүзеге асыруына жағдай жасалған.

Жалпыұлттық референдум – елдің саяси жүйесін жетілдіруге бағытталған маңызды қадамдардың бірі. Сондықтан әрбір азаматтың белсенділігі мен азаматтық ұстанымы ел дамуы үшін айрықша маңызға ие.