МЕМЛЕКЕТТІК ҚЫЗМЕТТЕРДІ ЖЕКЕ МЕНЕДЖЕР АРҚЫЛЫ АЛУ МҮМКІНДІГІ КЕҢЕЙТІЛДІ

2025 жылы 60 мыңнан астам қазақстандық мемлекеттік қызметтерді жеке менеджер арқылы алуды таңдаған.

«Жеке менеджер» қызметі барлық ХҚКО-ларда, оның ішінде мамандандырылған орталықтарда көрсетіледі және азаматтарға басымдықпен қызмет алуға мүмкіндік береді . Қызметті пайдалану үшін тіркеу орнына жүгініп, келісімшарт жасалады. Осыдан кейін маман құжаттарды рәсімдеудің барлық кезеңінде қызмет алушыға жеке сүйемелдеу көрсетеді.

Қызмет құны:

– ХҚКО-ларда – 5 697 теңге;

– мамандандырылған ХҚКО-ларда – 6 306 теңге .

ХҚКО-ға келе алмайтын азаматтар үшін жеке менеджердің үйге бару форматы қарастырылған. Маман алдын ала берілген өтінім негізінде келісілген уақыт пен мекенжайға барады . Көшпелі қызмет көрсету құны – 7 447 теңге .

Алайда бұл форматта паспорт, жеке куәлік, жүргізуші куәлігі және көлік құралдарын қайта тіркеу қызметтері көрсетілмейді .

Көшпелі қызметке өтінім беру үшін Мемлекеттік корпорацияның ресми сайтындағы «Қызметтер» бөлімінен «Жеке менеджердің үйіне бару» қызметін таңдап, онлайн өтінім қалдыру қажет . Сондай-ақ 1414 бірыңғай байланыс орталығы арқылы кеңес алып, өтінім беруге болады .

Аталған сервис әсіресе жұмыс кестесі тығыз азаматтар, кәсіпкерлер және кішкентай баласы бар ата-аналар арасында сұранысқа ие. Жеке менеджер қызметі мемлекеттік қызметтерді алдын ала жоспарлап, күту уақытын барынша қысқартуға мүмкіндік береді.