Денсаулық сақтау басқармасының басшысы азаматтарды жеке мәселелері бойынша қабылдады

Бүгін облыстық денсаулық сақтау басқармасының басшысы азаматтарды жеке мәселелері бойынша қабылдап, тұрғындардың өтініштері мен ұсыныстарын тыңдады.

Жеке қабылдауға келген азаматтар денсаулық сақтау саласына қатысты бірқатар өзекті мәселелерді көтерді. Атап айтқанда, медициналық қызметтің қолжетімділігі, емдеу мекемелерінің жұмысы, дәрігерлер қабылдауына жазылу, медициналық көмек сапасын арттыру және әлеуметтік сипаттағы мәселелер бойынша өтініштер айтылды.

Қабылдау барысында басқарма басшысы әрбір азаматтың мәселесіне жеке тоқталып, заңнама талаптарына сәйкес түсіндірме жұмыстарын жүргізді. Сонымен қатар, көтерілген мәселелерді шешу мақсатында жауапты бөлім басшылары мен тиісті медициналық ұйым жетекшілеріне нақты тапсырмалар берілді.

Азаматтардың өтініштері басқарманың бақылауына алынып, олардың заң аясында шешілу жолдары қарастырылатын болады.

Айта кетейік, тұрғындармен кері байланысты нығайту және өзекті мәселелерді дер кезінде шешу мақсатында азаматтарды жеке қабылдау тұрақты түрде өткізіліп келеді.