АРЫСТА БІРҚАТАР МӘСЕЛЕЛЕР БОЙЫНША ТҮСІНДІРМЕ ЖҰМЫСТАРЫ ЖҮРГІЗІЛДІ

Арыс қаласы әкімдігінің үлкен мәжіліс залында қала әкімі Қ.Маңқараевтың төрағалығымен өткен жиынға әкімінің орынбасарлары, қала әкімінің аппарат басшысы, құқық қорғау органдарының өкілдері, аудандық төтенше жағдайлар бөлімі, «Арыс қалалық Газ-техникалық инспекциясы» коммуналдық мемлекеттік мекемесінің мамандары, теміржол мекемелері, бөлімдер мен тиісті мекемелердің басшылары, сондай-ақ ауылдық округ әкімдері қатысты.

Мәжіліс барысында атқарылып жатқан жұмыстар жөнінде аудандық төтенше жағдайлар бөлімінің басшысы А.Бейсенов және «Арыс қалалық Газ-техникалық инспекциясы» КММ директоры Б.Төрехан баяндама жасады. Олар өрт қауіпсіздігі талаптарын сақтау, жылыту пештері мен газ жабдықтарының техникалық жай-күйін тексеру, тұрғындар арасында түсіндіру жұмыстарының жүргізілуі туралы мәлімет берді.

Сондай-ақ, мәжіліс соңында Арыс қаласы бойынша жергілікті атқарушы органдарының әдеп жөніндегі уәкілі Т.Анашбеков Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша тиісті түсіндірме жұмыстарын жүргізді.