Түркістан облысының білім басқармасы Қазақстан Республикасы Білім және ғылым министрінің 2017 жылғы 27 шілдедегі «Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларын бекіту туралы» № 355 бұйрығының 3-қосымшасының  2-тарауына сәйкес облыс бойынша 22 мемлекеттік техникалық және кәсіптік, орта білімнен кейінгі білім беру ұйымдарындағы қамқоршылық кеңестің 3 жылдық өкілеттік мерзімі өткеніне байланысты қамқоршылық кеңестің   сайлануы жөнінде конкурс жарияланғанын хабарлайды!

Қағиданың талаптарына сәйкес Құжаттарды қабылдау хабарландыру орналастырылған күннен бастап күнтізбелік 20 (жиырма) күн өткен соң аяқталады.

Үміткерлер Қамқоршылық кеңесті сайлау және оның құрамы бойынша ұсыныстарды қабылдау туралы хабарландыруда көрсетілген мерзімдерде Комиссияға мынадай құжаттарды ұсынады:

         1) өтініш (еркін түрде);

         2) үміткердің жеке басын куәландыратын құжаттың көшірмесі;

         3) қазақ немесе орыс тілдеріндегі түйіндеме;

         4) білімі туралы құжаттың көшірмесі (бар болса);

         5) Қазақстан Республикасы Бас прокуратурасының Құқықтық статистика және арнайы есепке алу комитетінің аумақтық бөлімшелері берген соттылығы мен сыбайлас жемқорлық құқық бұзушылықтарының жоқтығын растайтын құжаттар.

         Үміткерлер өздерінің кәсіби (немесе) қоғамдық қызметі туралы қосымша мәліметтер ұсынады.

         Қамқоршылық кеңестің құрамына:

         1) мектепке дейінгі ұйым тәрбиеленушілерінің ата-аналары немесе заңды өкілдері (осы мектепке дейінгі ұйымның әрбір жастағы топтың тәрбиеленушілерінің бір ата-анасы немесе заңды өкілі) – әрбір жастағы топтардың санынан аспайды;

         2) педагогикалық еңбек ардагерлері (бар болса) – 1 адам;

         3) жергілікті өкілдік және/немесе атқарушы және/немесе құқық қорғау органдарының өкілдері – 1-3 адам;

         4) үкіметтік емес (коммерциялық емес) ұйымдардың өкілдері – 1-2 адам;

         5) қайырымдылық жасаушылар және/немесе меценаттар (бар болса) – 1-2 адам;

         6) бұқаралық ақпарат құралдарының өкілдері (бар болса) – 1 адам кіреді.

         Қамқоршылық кеңесіне үміткер ретінде өтініштерді техникалық және кәсіптік, орта білімнен кейінгі білім беру ұйымдары қабылдайды.