Бокстан Ливерпуль қаласындағы әлем чемпионатында финалдық жекпе-жектер жалғасып жатыр.
Жеңіске деген жігерімен көпшілікті баурап алған, 70 келідегі Төрехан Сабырхан шешуші бәсекеде отандық жанкүйерлерге таныс Севон Оказавамен кездесті. Жерлесіміз 3 раунд бойы қарсыластың еркін көсілуіне мүмкіндік бермей, 3:2 есебімен жеңісті жұлып алды.
Ел тарихындағы ең жас әлем чемпиондары:
1️⃣🏴2025 жыл. 70 келі. Төрехан Сабырхан (19 жыл, 7 ай, 1 күн)
2️⃣🇺🇿2023 жыл. 48 келі. Санжар Тәшкенбай (19 жыл, 11 ай, 12 күн)
3️⃣🇰🇿2013 жыл. 75 келі. Жәнібек Әлімханұлы (20 жас)
Төрехан Сабырханның жарыстағы жолы:
✅1/16 финал. 🇩🇿Ясе Юсуф Ислам - 3:1
✅1/8 финал. 🇳🇱Финн Бос - 4:1
✅1/4 финал. 🇫🇷Макан Траоре - 5:0
✅1/2 финал. 🏴Одел Камара - 4:1
Осы салмақта әлем чемпионатының жүлдесі кімге бұйырған?
🥈1997 жыл. Ермахан Ибраимов (71 келі)
🥉1999 жыл. Ермахан Ибраимов (71 келі)
🥉2005 жыл. Бақтияр Артаев (69 келі)
🥉2009 жыл. Серік Сапиев (69 келі)
🥈2011 жыл. Серік Сапиев (69 келі)
🥇2013 жыл. Данияр Елеусінов (69 келі)
🥈2015 жыл. Данияр Елеусінов (69 келі)
🥉2017 жыл. Абылайхан Жүсіпов (69 келі)
🥉2019 жыл. Абылайхан Жүсіпов (69 келі)
🥇2023 жыл. Асланбек Шымбергенов (71 келі)
Бокстан Ливерпуль қаласындағы әлем чемпионатында финалдық жекпе-жектер өтіп жатыр.
65 келіде өзін жақсы қырынан көрсете білген Аида Әбікеева шешуші бәсекеде шабуылға басымдық беретін Навбахор Хамидовамен кездесті. Әйтсе де осы жолы отандасымыз көп шабуылдаса, Өзбекстан өкілі қорғаныс пен қарымта шабуылға иек артты. Нәтижесінде айқас 3:0 есебімен Аиданың пайдасына шешілді.
Бұған дейін Аида Әбікеева наурыз айында да Сербиядағы жаһандық додада топ жарған еді.
Аида Әбікееваның жарыстағы жолы:
✅1/16 финал. 🇭🇺Лука Хамори - 5:0
✅1/8 финал. 🇰🇷Су-кионг Канг - 5:0
✅1/4 финал. 🇹🇷Бусеназ Сурменели - 5:0
✅1/2 финал. 🇮🇪Грейн Уолш - 5:0
Осы салмақта әлем чемпионатының жүлдесі кімге бұйырған?
🥉2019 жыл. Милана Сафронова (64 келі)
🥉2023 жыл. Надежда Рябец (66 келі)
🥇2025 жыл. Аида Әбікеева (63 келі)
Бокстан Ливерпуль қаласындағы әлем чемпионатында финалдық жекпе-жектердің кешкі сессиясы басталды.
51 келідегі Алуа Балқыбекова ақтық сында қос Олимпиаданың күміс жүлдегері Буси Наз Чакыроглумен өзара чемпиондық атаққа таласты. Аңдысып өткен айқаста жерлесіміздің мерейі үстем болды.
Осылайша, Алуа өз мансабында 4-мәрте жаһандық доданың медалін мойнына тақты.
Алуа Балқыбекованың жарыстағы жолы:
✅1/8 финал. 🇰🇷Мун Га-еон - 5:0
✅1/4 финал. 🇼🇸Гуо И-хуан - 5:0
✅1/2 финал. 🇨🇳Хиню Жи - 4:1
Осы салмақта әлем чемпионатының жүлдесі кімге бұйырған?
🥉2016 жыл. Жайна Шекербекова (51 келі)
🥉2018 жыл. Жайна Шекербекова (51 келі)
🥈2022 жыл. Жайна Шекербекова (52 келі)
🥇2025 жыл. Алуа Балқыбекова (50 келі)
Хорватия астанасы Загребте өтіп жатқан еркін күрестен әлем чемпионатында Қазақстан қоржынына 2-медаль түсті.
Нұрқожа Қайпановтың кіші финалда Василь Диаконнан (Молдова) басым түсті.
Еске сала кетейік, Нұрқожа үшін бұл ересектер арасындағы әлем чемпионатының үшінші медалі. Ол алғаш рет 2019 жылы елімізде күміс жүлде алса, былтыр Тирана қаласында алтыннан алқа таққан.
Отандасымыз Асылжан Есенгелді (-61 кг) Загреб қаласында өтіп жатқан еркін күрестен әлем чемпионатында америкалық Джаксен Патрик Форресті ұтып, қола жүлдегер атанды. Есеп: 10-8.
Мемлекет басшысы Қасым-Жомарт Тоқаев Санжар Тәшкенбай мен Махмұд Сабырханды бокстан Әлем чемпионы атануымен, сондай-ақ Назым Қызайбайды күміс жүлде иеленуімен құттықтады.
Президент спортшыларымыздың алдағы финалдық жекпе-жектеріне сәттілік тіледі.
Бокстан Ливерпуль қаласындағы әлем чемпионатында финалдық жекпе-жектер жалғасып жатыо.
55 келіде сынға түскен Махмұд Сабырхан ақтық сында Испанияның мықтысы Лозано Серраномен күш сынасты. Алғашқы минуттан жерлесіміз басымдықты өз қолына алып, қарсыласының адымын аштырмады. Қорытынды есеп: 5:0.
Айта кетейік, осы әлем чемпионатында Махмұд Сабырхан ең жылдам нокауттың да авторы атанған болатын.
Ол бұған дейін 2023 жылы Ташкенттнгі жаһандық додада алғаш рет топ жарған еді.
Махмұд Сабырханның жарыстағы жолы:
✅1/16 финал. 🇲🇽Бриан Ортиз - 5:0
✅1/8 финал. 🇽🇰Башким Бажоку - нокаут
✅1/4 финал. 🇯🇵Руи Ямагучи - 5:0
✅1/2 финал. 🇨🇳Чуанг Луи - 5:0
Осы салмақта әлем чемпионатының жүлдесі кімге бұйырған?
🥈2001 жыл. Галиб Джафаров (57 келі)
🥇2003 жыл. Галиб Джафаров (57 келі)
🥉2013 жыл. Қайрат Ералиев (56 келі)
🥇2017 жыл. Қайрат Ералиев (56 келі)
🥈2021 жыл. Махмұд Сабырхан (54 келі)
🥇2023 жыл. Махмұд Сабырхан (54 келі)
Бокстан Ливерпуль қаласындағы әлем чемпионатында финалдық жекпе-жектер жалғасып жатыр.
Ең жеңіл салмақтағы, 50 келіде сынға түскен Санжар Тәшкенбай финалдық бәсекеде Моңғолия спортшысы Алдархишиг Баттулгамен жұдырық түйістірді. Отандасымыз жекпе-жекте көз ілеспес жылдамдықпен қимылдап, қарсыласын тас-талқан етті. Есеп: 5:0.
Бұған дейін Санжар Тәшкенбай 2023 жылы Ташкент төрінде ұлттық құрама сапындағы ең жас әлем чемпионы (19 жас) атанған болатын.
Санжар Тәшкенбайдың жарыстағы жолы:
✅1/8 финал. 🇯🇴Хузейфа Ишиш (Иордания) - 3:2
✅1/4 финал. 🇮🇳Жадумани Сингх - 4:0
✅1/2 финал. 🇨🇺Алехандро Кларо - 4:1
Осы салмақта әлем чемпионатының жүлдесі кімге бұйырған?
🥈1995 жыл. Болат Жұмаділов (51 келі)
🥉1997 жыл. Болат Жұмаділов (51 келі)
🥇1999 жыл. Болат Жұмаділов (51 келі)
🥉2005 жыл. Біржан Жақыпов (48 келі)
🥉2005 жыл. Мират Сәрсембаев (51 келі)
🥇2013 жыл. Біржан Жақыпов (49 келі)
🥉2017 жыл. Жомарт Ержан (49 келі)
🥉2019 жыл. Сәкен Бибосынов (52 келі)
🥇2021 жыл. Теміртас Жүсіпов (48 келі)
🥇2021 жыл. Сәкен Бибосынов (51 келі)
🥇2023 жыл. Санжар Тәшкенбай (48 келі)
Бокстан Ливерпуль қаласындағы әлем чемпионатында финалдық жекпе-жектер басталды.
Рингке бірінші болып шыққан 3 дүркін әлем чемпионы, 48 келідегі Назым Қызайбай финалдық айқаста үнді спортшысы Минакши Минакшиге 1:4 есебімен жол берді.
Назымды әлем чемпионатындағы бесінші жүлдесімен құттықтаймыз👏🏻
Назым Қызайбайдың жарыстағы жолы:
✅1/8 финал. 🇭🇺Лилла Селецки - техникалық нокаут
✅1/4 финал. 🇺🇦Ханна Охота (әлем чемпионатының күміс жүлдегері) - 5:0
✅1/2 финал. 🇺🇿Сабина Блбокулова - 4:1
Осы салмақта әлем чемпионатының жүлдесі кімге бұйырған?
🥉2006 жыл. Назгүл Боранбаева (46 келі)
🥉2010 жыл. Назгүл Боранбаева (48 келі)
🥉2012 жыл . Назым Қызайбай (48 келі)
🥇2014 жыл. Назым Қызайбай (48 келі)
🥇2016 жыл. Назым Қызайбай (48 келі)
🥈2022 жыл. Алуа Балқыбекова (48 келі)
🥉2023 жыл. Алуа Балқыбекова (48 келі)
🥇2025 жыл. Назым Қызайбай (48 келі)
Белгілі америкалық композитор және әрі продюсер, «Грэмми» сыйлығының екі мәрте лауреаты Уолтер Афанасьефф Қазақстанға алғаш рет келіп, Түркістан қаласындағы Димаш Құдайберген мен Hunan Broadcasting System халықаралық жобасына қатысты. Сан ғасырлық тарихтан сыр шертетін Қазақстанның рухани астанасы «Voice Beyond Horizon» деп аталатын музыкалық бағдарламаның алғашқы түсірілім орнына айналды.
Түсірілім өңірдің туристік және тарихи нысандарында өтті. Музыкалық жоба Қытай, Қазақстан, Қырғызстан, Италия, Малайзия және Сербия елдерінен келген орындаушыларды біріктірді.
Байқауға қатысушылардың кәсіби деңгейін арнайы шақырылған халықаралық сарапшылар бағалады. Қазылар алқасының мүшелерінің бірі – «Титаник» фильмінде орындалған белгілі «My Heart Will Go On» әнінің продюсері Уолтер Афанасьефф.
«Мен Қазақстанға алғаш рет келдім. Бұл туралы көп жылдан бері армандадым. Алған әсерім мен сезімім ерекше: осында тұрып, өмір сүргің келеді. Адамдары, тағамы, климаты, табиғаты – барлығы мені тәнті етіп, жан дүниеме әсер етті. Шынымды айтсам, бұл - өзім болған ең сүйікті қалалардың бірі», – деді Уолтер Афанасьефф.
Түсірілім барысында музыканттар Түркістан облысының табиғи және мәдени нысандарын аралады. Олардың қатарында Әзірет Сұлтан кешені, Отырар қалашығы, Karavansaray туристік кешені мен этноауыл бар.
Музыкалық жобаға қатысушылардың шығармашылық саяхаты пойызбен еліміздің басқа өңірлерінде жалғасады. Түсірілімдер Маңғыстау, Алматы және Ақмола облыстарында, сондай-ақ Алматы мен Астана қалаларында өтеді. Шоудың финалдық кезеңі Қазақстан астанасында жоспарланған.
Атап өткен жөн, Димаш Құдайберген бұл жобаны Hunan Broadcasting System арнасымен бірлесе жүзеге асыруда. Аталған арнаны эфир мен Mango TV цифрлық платформасы арқылы күн сайын 210 миллионнан астам көрермен тамашалайды. Осы жобаның арқасында бүкіл әлем көрермендері Қазақстанның туристік әлеуетімен танысатын болады.
Жобаға Қазақстан Республикасының Туризм және спорт министрлігі, ҚР Мәдениет және ақпарат министрлігі, Kazakh Tourism ұлттық компаниясы, «Жолаушылар тасымалы» АҚ және өңірлік әкімдіктер ұйымдастырушылық қолдау көрсетті.