Лудомания — мемлекеттік қызметшінің кәсіби сенімділігіне қауіп

2026 жылғы 10 сәуір күні Қазақстан Республикасы Еңбек және халықты әлеуметтік қорғау министрлігінің Әдеп жөніндегі уәкілі Ө.Б. Алшынбаеваның ұйымдастыруымен профилактикалық жұмыс аясында лудоманияның алдын алуға бағытталған онлайн-семинар өткізілді.
Семинарға Амуртаева Динара Талғатқызы — Қазақстан Республикасы Бас прокуратурасы жанындағы Құқық қорғау органдары академиясының Жоғары оқу орнынан кейінгі білім беру институтының арнайы заң пәндері кафедрасының доценті, заң ғылымдарының кандидаты және Қарымсақова Әсел Серікқазықызы — аталған академияның Жоғары оқу орнынан кейінгі білім беру институтының әлеуметтік-гуманитарлық пәндер кафедрасының оқытушысы, педагогика және психология магистрі қатысты.
Олар «Лудомания — мемлекеттік қызметшінің кәсіби сенімділігіне қауіп» және «Лудомания: Қазақстан Республикасындағы құқықтық жауапкершілік» тақырыптарында жан-жақты түсіндіру жұмыстарын жүргізді.
Шара барысында қазіргі қоғамдағы өзекті мәселелердің бірі — құмар ойындарға тәуелділік (лудомания) кеңінен талқыланды.
Сондай-ақ қатысушылар өздерін толғандырған сұрақтарға толық әрі мазмұнды жауаптар алды.