Деструктивті діни ағымдардың мемлекеттік қызметшілерге ықпалының алдын алу.

2026 жылдың 12 наурызында Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитетінің Жамбыл облысы бойынша департаментінде профилактикалық жұмыс аясында мемлекеттік қызметшілердің деструктивті діни ағымдардың қызметіне араласуының алдын алуға бағытталған іс-шара өткізілді.
Іс-шараға Жамбыл облысы әкімдігінің Дін проблемаларын зерттеу орталығының инспекторы Рахымжанұлы Нұрдос қатысты.
Шара барысында дінтанушы мемлекеттік қызметшілерге деструктивті діни ағымдардың (радикалды, экстремистік немесе заңсыз танылған діни ұйымдар) қызметіне араласудың қауіптілігі туралы түсіндіру жұмыстарын жүргізді.
Сонымен қатар, қатысушылар көкейлеріндегі сұрақтарына толыққанды жауаптар алды.