Жолдау-ел дамуының жаңа кезеңі

Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитетінің Жамбыл облысы бойынша департаментінің ұжымы Қазақстан Республикасының Президенті Қасым-Жомарт Тоқаевтың Қазақстан халқына арнаған Жолдауын тікелей эфирден тыңдады.

Мемлекет басшысы өз Жолдауында ел дамуының негізгі бағыттарын айқындап, алдағы кезеңге арналған стратегиялық бастамаларын жариялады. Атап айтқанда:

• Саяси тұрақтылық пен қауіпсіздік – ішкі және сыртқы саясаттағы тұрақтылықты қамтамасыз ету;

• Экономикалық даму – өндірісті жаңғырту, инвестиция тарту және жаңа жұмыс орындарын құру;

• Цифрлық трансформация – заманауи технологияларды, соның ішінде жасанды интеллектті енгізу арқылы мемлекеттік басқару мен халыққа қызмет көрсетуді жетілдіру;

• Әлеуметтік қолдау – азаматтардың әл-ауқатын арттыруға, әлеуметтік әділдікті қамтамасыз етуге бағытталған шараларды күшейту;

• Инфрақұрылым және логистика – еліміздің көлік-логистика жүйесін дамыту арқылы аймақтардың экономикалық әлеуетін көтеру;

• Саяси реформалар – мемлекеттік басқару жүйесін жетілдіруге арналған жаңа қадамдар жасау.

Президент атап өткендей, еліміздің тұрақты дамуы әр азаматтың ортақ жауапкершілігі мен белсенді ұстанымына тікелей байланысты.

Жамбыл облысы бойынша Мемлекеттік еңбек инспекциясы департаментінің ұжымы Жолдауда қойылған міндеттерді жүзеге асыруға өз үлесін қосуға дайын екенін білдірді.

«Бірлік пен ынтымақ бар жерде – жарқын болашақ бар» деген қағиданы басшылыққа ала отырып, департамент қызметкерлері еңбек заңнамасының сақталуын қамтамасыз ету, әлеуметтік әділдікті нығайту және халықтың әл-ауқатын арттыру бағытында жұмыстарын жалғастырады.