🔰Ақпараттық-түсіндіру жұмыстары.

Биыл – Конституциямыздың 30 жылдығы! Осыған орай «Заң мен тәртіп» тұжырымдамасы аясында Тараз қаласында азаматтарды қабылдау акциясы ұйымдастырылды. «Март» сауда орталығында өткен шарада прокуратура, мемлекеттік және құқық қорғау органдарының өкілдері тұрғындарға консультациялық кеңес беріп, өзекті сұрақтарына жауап берді. Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Жамбыл облысы бойынша департаментінен бөлім басшысы – мемлекеттік еңбек инспекторы Әбді Бекжан Нұрланұлы да іс-шараға қатысып, еңбек саласындағы маңызды мәселелер бойынша түсіндірме жұмыстарын жүргізді. Бұл акция – азаматтардың құқықтық сауаттылығын арттыруға және қоғамда заңға деген сенімді нығайтуға бағытталған маңызды қадам болды.