Астана қаласы әкімінің орынбасары Е. С. Мейірханның төрағалығымен қалалық үшжақты комиссияның кезекті отырысы өтті

Астана қаласы әкімінің орынбасары  Е.С. Мейрханның төрағалығымен Әлеуметтік әріптестік және әлеуметтік-еңбек қатынастарын реттеу жөніндегі қалалық үшжақты комиссияның кезекті отырысы өтті. Отырысқа әлеуметтік әріптестік тараптарының және мемлекеттік органдардың өкілдері қатысты.

Отырыста қаладағы еңбек дауларының жай-күйі мен динамикасы, еңбек заңнамасының сақталуы, жұмыс берушілер мен қызметкерлер арасындағы коммуникацияны дамыту, сондай-ақ жанжалдық жағдайларды уақтылы анықтау және олардың алдын алу мәселелері талқыланды.

Отырыс қорытындысы бойынша комиссияның 2026 жылға арналған жұмыс жоспары бекітіліп, тиісті шешімдер қабылданып, жауапты тараптарға тапсырмалар берілді.

Әлеуметтік-еңбек саласындағы тұрақтылықты қамтамасыз ету және ашық диалогты дамыту жұмыстары жалғасуда.