Қызметкерлерді жазатайым оқиғалардан міндетті сақтандыру шартын жасасу жөніндегі талаптар

2025 жылдың басынан бастап еңбек заңнамасының сақталуын мемлекеттік бақылау шеңберінде мемлекеттік еңбек инспекторларымен 9 620 өтініш қаралды, 517 жоспардан тыс тексеру жүргізілді, 451 еңбек заңнамасының бұзылуы анықталды. Барлық анықталған бұзушылықтар бойынша оларды жою жөніндегі талаппен 303 ұйғарым берілді, сондай-ақ жалпы сомасы 36, 4 млн.теңгеге 201 заңды тұлға әкімшілік жауапкершілікке тартылды.

 ҚР Еңбек Кодексінің 182-бабының 2-тармағы 14) тармақшасына сәйкес жұмыс беруші жұмыскерді еңбек (қызметтік) міндеттерін атқару кезінде жазатайым оқиғалардан сақтандыруға және еңбек жөніндегі уәкілетті мемлекеттік орган айқындаған тәртіппен жұмыскерді еңбек (қызметтік) міндеттерін атқару кезінде жазатайым оқиғалардан міндетті сақтандыру шартын жасасу туралы мәліметтерді еңбек жөніндегі уәкілетті мемлекеттік органға жіберуге міндетті;

ҚР ӘҚБтК 230 – бабының 2-тармағына сәйкес қызметкер еңбек (қызметтік) міндеттерін атқару кезінде жазатайым оқиғалардан сақтандыру шартын жасаспаған жағдайда Жеке тұлғаларға-10, лауазымды адамдарға, жеке нотариустарға, жеке сот орындаушыларына, шағын кәсіпкерлік субъектілеріне немесе коммерциялық емес ұйымдарға-160, орта кәсіпкерлік субъектілеріне айыппұл салуға әкеп соғады - 400, ірі кәсіпкерлік субъектілеріне-1000 айлық есептік көрсеткіш мөлшерінде.

Міндетті сақтандыру-бұл өндірістік жарақат немесе кәсіптік ауру жағдайында қызметкерлердің өмірі мен денсаулығына келтірілген зиянды өтеуді қамтамасыз етуге бағытталған әлеуметтік қорғаудың маңызды тетіктерінің бірі. Осыған байланысты, тиісті лицензиясы бар сақтандыру ұйымдарымен ЖОМС шарттарын белгіленген тәртіппен жасасу қажет.