«Eastar Jet» бюджеттік әуе компаниясы Қазақстанға ұша бастады

Көлік министрлігінің азаматтық авиация комитеті ұшу географиясын кеңейту және халықаралық рейстер санын арттыру аясында тұрақты жұмыс жүргізеді.

Биылғы жылдың 7 сәуірінен бастап Қазақстанға Оңтүстік Кореяның «Eastar Jet» лоукостер яғни бюджеттік әуе компаниясының ұшақтары ұша бастады.

Әуе компания "Сеул-Алматы" бағыты бойынша аптасына 2 рейс жиілігімен жолаушыларды тасымалдайды. Бұл 2024 жылғы наурызда екі елдің авиациялық билігі арасында болған келіссөздер нәтижесінде мүмкін болды.

Екі ел арасындағы сауда-экономикалық, іскерлік,инвестициялық, туристік және мәдени ынтымақтастық одан әрі дамымақ.