Қостанай өңіріне жұмыс сапары аясында көлік министрі Марат Қарабаев облыс тұрғындарымен кездесіп, азаматтарды жеке сұрақтары бойынша қабылдады

Тұрғындармен талқыланған басты тақырыптың бірі Арқалық, Торғай және Ырғыз арқылы өтіп, Астананы Транскаспий халықаралық көлік бағытымен байланыстыратын автожол құрылысы болды.

Сондай-ақ министр Арқалық әуежайын қалпына келтіру жоспарланып отырғанын айтып жеткізді. Қазіргі уақытта жобалау-сметалық құжаттамасын әзірлеу жұмыстары аяқталып қалды.