2021 жылғы 29 сәуірде ҚР Индустрия және инфрақұрылымдық даму министрі Бейбіт Атамқұлов Түрікменстан Республикасының Қазақстан Республикасындағы Төтенше және Өкілетті елшісі Батыр Реджеповты қабылдады.
Кездесуде сауда-экономикалық және әскери-техникалық ынтымақтастық мәселелері талқыланды.
Министр Ақтау теңіз сауда порты мен Түркменбашы халықаралық теңіз порты арасындағы теңіз, соның ішінде фидерлік* тасымалдарды дамытуға ерекше назар аударды.
Түрікмен тарапы қазақстандық кәсіпорындардың өнімдерін сатып алуға, барлық бағыттарда жүк транзитін кеңейтуге мүдделілігін атап өтті.
ҚР ИИДМ баспасөз қызметі
* Фидерлік тасымалдар - жүктерді шоғырландыру, тиеу және тасымалдау үшін кемелермен теңіз арқылы қысқа қашықтыққа тасымалдау.