ҚР Индустрия және инфрақұрылымдық даму министрлігі "Қазақстан Республикасының кейбір заңнамалық актілеріне көлік мәселелері бойынша өзгерістер мен толықтырулар енгізу туралы" заң жобасын әзірлеп, Үкіметтің қарауына енгізді.
Заңнамаға енгізілген өзгерістер келесі міндеттерді шешеді:
- көліктік бақылау жүйесінде адам факторы мен сыбайлас жемқорлық тәуекелдерін жою;
- автожолдардың сақталуын арттыру, әкімшілік кедергілерді азайту;
- Қазақстан Республикасының аумағы бойынша ірі көлемді және ауыр салмақты автокөлік құралының жүріп өткені үшін жиналатын алымдар есебінен республикалық бюджет кірісін ұлғайту;
- Каспий теңізінің қазақстандық секторында суға батқан шетелдік кемелерді көтерудің құқықтық тетіктерін белгілеу;
- теміржол көлігіндегі апаттарды, сондай-ақ кемелерде болатын апаттық жағдайларды тергеудің қолданыстағы тетіктерін жетілдіру;
- ұшу қауіпсіздігі мен әуедегі қауіпсіздікті арттыру;
- азаматтық авиацияның транзиттік әлеуетін нығайту және Қазақстанның авиациялық билік орындарының өкілеттіктерін күшейту және беделін арттыру;
- жалпы көлік саласындағы заңнаманы жетілдіру.
Заң жобасында:
- көлік құралдарының салмақтық және габариттік параметрлерін өлшеудің автоматтандырылған станцияларының жұмыс істеуін қамтамасыз ету үшін құқықтық тетіктер құру;
- азаматтық авиация саласындағы уәкілетті ұйымды институционалдық дамыту арқылы азаматтық авиация саласындағы мемлекеттік реттеудің тиімділігін арттыру;
- азаматтық авиация қызметін, әуе кемелерінің халықаралық ұшуларын, ішкі әуе бағыттарен ұшуды, сондай-ақ авиациялық жұмыстарды және жалпы мақсаттағы авиацияның ұшуларын орындау үшін ұшуларды ұйымдастыру тетігін жетілдіру;
- теңіз апаттарының салдарын жоюға байланысты қатынастарды реттеу, сондай-ақ батып кеткен кеме мен мүліктің орналасқан жерін, белгілеуін және жойылуын анықтау үшін қаржылық қамтамасыз етуді белгілеу;
- кемелермен болған апаттық жағдайларды, сондай-ақ теміржол көлігіндегі апаттарды, апаттар мен оқиғаларды, оның ішінде жолаушылар пойызында вагондардың шығып кетуіне әкеп соққан тергеудің жеделдігін қамтамасыз ету;
- ішкі су жолдары мен шлюздерді ұстауға бюджет қаражатының жұмсалуын бақылауды күшейту жөніндегі нормаларды қабылдау;
– 2019 жылғы 25 шілдедегі "Бақытты бала – Бақытты ана – Бақытты отбасы - Бақытты ел" жол картасына сәйкес жолаушылардың жекелеген санаттарына қоғамдық көлікте жол жүру ақысын төлеу бойынша жеңілдіктер беру;
- қақтығыстарды, қайшылықтарды жою қарастырылған.
Бұл шараларды іске асыру республикалық бюджет есебінен қосымша қаржы шығынын талап етпейді, сондай-ақ теріс әлеуметтік-экономикалық, құқықтық және экологиялық салдары болмайды.
Заң жобасы Қазақстан Республикасы Үкіметінің заң жобалау жұмыстарының 2021 жылға арналған жоспарының 9-тармағына сәйкес енгізілді (2020 жылғы 29 желтоқсанда бекітілген, № 910 қаулы).