Көлік вице-министрі «AMANAT» партиясының қоғамдық қабылдауында азаматтарды жеке қабылдады

Бүгін «AMANAT» партиясының республикалық қоғамдық қабылдауында көлік вице-министрі Талғат Ластаев Астана, Шымкент қалалары мен Ақмола облысының тұрғындарымен кездесті.

Көтерілген сұрақтардың басым бөлігі автожолдарды салу және жөндеу, республикалық маңызы бар трассада көше жарығын жүргізу, сондай-ақ теміржол өткелдерінің бойына аспалы көпір салу мәселелеріне қатысты болды.

Вице-министрдің айтуынша, Ақмола облысындағы Баянауыл кенті – Жастар кенті бағытындағы «0–15 км» учаскесінде орташа жөндеу жұмыстары жүргізілуде, қалған бөліктер кезең-кезеңімен жөнделетін болады.

Сонымен қатар, Ақмола облысы Есіл ауданының Сұрған ауылынан Знаменка ауылына дейінгі аралықта 569–595 шақырым (26 км) учаскесінде күрделі жөндеу жоспарланып отыр. Биыл республикалық бюджет есебінен жобалық-сметалық құжаттаманы әзірлеуге қаржы бөлінді, ал құрылыс-монтаж жұмыстарының басталуы 2026 жылға белгіленген.

Барлық өтініштер бойынша азаматтарға жан-жақты түсініктемелер берілді.