Теміржол және азаматтық авация салаларындағы маршруттық желі тұрақты өсімді көрсетуде
Көлік министрлігі теміржол және азаматтық авиация салаларындағы маршруттық желі туралы хабарлайды.
🔸 Теміржол көлігі
Бүгінгі таңда елімізде жолаушылар тасымалы саласында 154 теміржол маршруты орындалады.
Олардың ішінде:
- 112 маршрутты «Жолаушылар тасымалы» АҚ орындаса;
- 30 маршрут жекеменшік тасымалдаушыларға тиесілі;
- Ал қалған 12 маршрут халықаралық маршрутқа жатады.
2025 жылдың алғашқы 6 айында теміржол көлігімен 9,5 миллион жолаушы тасымалданды. Жолаушылар вагондарын жаңарту бойынша жүйелі жұмыс жүргізілуде. Жыл басынан бері шамамен 60 жаңа жолаушылар вагоны сатып алынды.
🔹 Әуе қатынасы
Азаматтық авиация саласында ішкі және халықаралық бағыттардың саны артып келеді:
- Ішкі бағыттарда 61 маршрут бойынша апта сайын 849 рейс орындалады;
- Халықаралық бағыттарда 144 маршрут бойынша аптасына 842 рейс жүзеге асырылады. Қазақстаннан әлемнің 31 еліне тікелей ұшуға болады.
Халықаралық әуе рейстер географиясы әлемнің келесі елдерін қамтиды:
Ресей, Қырғызстан, Өзбекстан, Тәжікстан, Грузия, Беларусь, Әзірбайжан, Туркия, Ұлыбритания, Германия, Италия, Нидерланды, Польша, Чехия, Венгрия, Черногория, БАӘ, Катар, Иран, Мысыр, Кувейт, Бахрейн, Оман, Оңтүстік Корея, Қытай, Үндістан, Вьетнам, Тайланд, Моңғолия, Малайзия, Мальдив аралдары.
2025 жылдың алғашқы жартыжылдығында әуе көлігі қызметін 7,2 миллион жолаушы пайдаланған.