Марат Қарабаев ЭЫҰ-ға мүше мемлекеттердің көлік министрлерінің 13-ші отырысы аясында бірқатар екіжақты кездесулер өткізді

Атап айтқанда Марат Қарабаев Пәкістан Ислам Республикасының Көлік министрі Абдул Әлім Ханмен, Иран Ислам Республикасының Жол шаруашылығы және қала құрылысы министрі Фарзане Садехпен және ЭЫҰ Бас хатшысы Асад Маджид Ханмен кездесті.

Кездесулер барысында тараптар көлік және логистика саласындағы ынтымақтастықты одан әрі дамыту мәселелерін талқылады. Кездесу қорытындысы бойынша тараптар өңірдің көлік жүйесінің тұрақты және қауіпсіз дамуын қамтамасыз ету үшін бірлесе жұмыстануға ниетті екендерін растады.