Қазақстан мен Конго Республикасы көлік және логистика саласындағы ынтымақтастықты талқылады

Көлік министрі Марат Қарабаев Конго Президентінің стратегиялық мәселелер және халықаралық келіссөздер жөніндегі арнайы өкілі, Министр Франсуаза Жолимен кездесті.

Кездесу барысында тараптар жүктерді Транскаспий халықаралық көлік бағыты мен «Солтүстік – Оңтүстік» халықаралық көлік дәлізі арқылы тасымалдау мүмкіндігін талқылады.

Сондай-ақ, Конго нарығын жан-жақты зерттеу, көлік инфрақұрылымымен танысу және Пуэнт-Нуар портына бару мүмкіндігін қарастыру мақсатында қазақстандық делегацияның жұмыс сапарын ұйымдастыру талқыланды.

Келіссөздердің нәтижесінде Қазақстан Республикасы мен Конго Республикасы арасында көлік-логистика саласындағы өзара түсіністік туралы Меморандумға қол қойылды.