АӨСШК халықаралық форумында пандемиядан кейінгі кезеңде туризмді дамыту мәселесі талқыланды

Бүгін 30 маусымда «Kazakh Tourism» ҰК» АҚ Ұлттық компаниясы ҚР Мәдениет және спорт министрлігімен және ҚР Сыртқы істер министрлігімен бірлескен «Пандемиядан кейінгі кезеңде туризмді дамыту» атты Азиядағы өзара іс-қимыл және сенім шаралары жөніндегі кеңестің (АӨСШК) Халықаралық форумы онлайн форматта өтті.

Форум Қазақстан Республикасының АӨСШК-ке төрағалық ету тұжырымдамасын іске асыру жөніндегі 2020-2022 жылдарға арналған іс-қимыл жоспары шеңберінде ұйымдастырылды.

Форумды мәдениет және спорт вице-министрі Ғабидолла Әбдірахымов ашты. Өзінің құттықтау сөзінде ол былай деді: «Біз бүгін Азия елдеріндегі туризмді қалпына келтіру және одан әрі дамыту тәжірибесімен бөлісу үшін осында жиналып отырмыз. Маңызды міндеттердің бірі Вакцинация паспорттарын өзара тану болып табылады, бұл АӨСШК елдері арасындағы шекараларды ашуға және әуе қатынастарын жаңартуға мүмкіндік береді және өңірдегі туризм саласын жандандыруға әкеледі».

Сондай-ақ, АӨСШК Хатшылығының Атқарушы директоры Чи Фэнг ханым құттықтау сөз сөйледі.

Форумға қатысушылар саланың жаңа жағдайдағы турларын қалпына келтіру, инновациялар мен цифрландыруды пайдалану, сондай-ақ тұрақтылықты қамтамасыз ету және серіктестік байланыстарды орнату сияқты өзекті мәселелерді талқылады.

Катар, Өзбекстан, Ресей, Иран, Қырғызстан, Бангладеш, Палестина, Әзірбайжан, Шри-Ланка, Тәжікстан, Қытай, БАӘ, Таиланд және Қазақстан туристік дәліздері арқылы туристердің кедергісіз саяхаттауы үшін АӨСШК вакцинациялау паспортын енгізе алады.

Бүгінде бірқатар елдер азаматтарға коронавирусқа қарсы вакцинацияны растауға мүмкіндік беретін сандық паспорттарды енгізді. 30-дан астам авиакомпания жолаушыларға сапар жоспарларын басқаруға және олардың covid-19 вакцинацияланғандығы немесе тексерілгені туралы құжаттарды ұсынуға көмектесу үшін халықаралық әуе көлігі қауымдастығы жасаған Travel pass сандық саяхатын қолдана бастады.