Туризмді дамыту және «Altai Invest-2025» форумына дайындық

Шығыс Қазақстан облысының әкімі Нұрымбет Сақтағановтың төрағалығымен облыс әкімдігінде кеңес өтті. Күн тәртібінде туризм инфрақұрылымын дамыту және өңірдің инвестициялық тартымдылығын арттыру мәселелері қаралды.

Әкім туристік нысандарды жылу, жарық және сумен қамтамасыз ету туристер ағынының өсуіне тікелей әсер ететінін атап өтті. Сонымен қатар, 2026 жылға арналған туризмді дамыту жоспарын әзірлеуді және қыркүйек айында Өскеменде өтетін «Altai Invest-2025» халықаралық форумына аралық нәтижелерді ұсынуды тапсырды.