Тимирязев ауданында білім бөлімі қызметкерлері Тимирязев аудандық полиция бөлімімен бірлесіп, заңды өкілдерінің еріп жүруінсіз сағат 23:00-ден кейін қоғамдық орындарда жүрген кәмелетке толмағандарды анықтау мақсатында түнгі рейдтік іс-шаралар өткізді.

Рейд барысында жасөспірімдер мен ата-аналарға заң талаптарын сақтау, балалардың түнгі уақытта үйден тыс жерде жүруіне байланысты жауапкершілік, сондай-ақ қауіпсіздік шаралары мен кәмелетке толмағандар арасындағы құқық бұзушылықтардың алдын алу жөнінде профилактикалық түсіндіру жұмыстары жүргізілді.

Осындай іс-шаралар балалар мен жасөспірімдердің қауіпсіздігін қамтамасыз етуге, құқық бұзушылықтардың алдын алуға және қоғамдық тәртіпті нығайтуға бағытталған.