Кезекті отырыс өтті

Аудандық мәслихаттың тұрақты комиссияларының кезекті бірлескен отырысында М.А. Уәйісовтің төрағалығымен халықтың тіршілігін қамтамасыз ету және ауданның әлеуметтік-экономикалық дамуына қатысты бірқатар өзекті мәселелер қаралды.

Отырысқа қатысушылардың назарын «ТимирязевКомунСервис» ЖШС директоры Д.М. Мағзұмовтың тұрақты жылу режимін қамтамасыз ету және халықты ауыз сумен қамту жөніндегі жұмыстардың барысы туралы баяндамасы аударды. Ол жылыту маусымына дайындық аясында орталық қазандыққа ағымдағы жөндеу жүргізілгенін, оған жаңа қазан мен түтін құбыры орнатылғанын, қожды кетіру жүйесі мен от жағушының демалыс бөлмесі жөнделгенін хабарлады.

Д.М. Мағзұмов талқылау барысында су құбыры желілерінің әбден тозуы күрделі мәселе болып отырғанын, бұл болса желінің жиі істен шығуына, ауыз судың шығыны айтарлықтай болуына және аудан халқы мен ұйымдары үшін сумен жабдықтаудың мәжбүрлі ажыратылуына әкеліп соқтыратынын атап өтті. Тарифте күрделі жөндеуге қаражат жоқ, сондықтан судың үздіксіз берілуін қамтамасыз ету үшін таратушы су құбыры желілерін толық ауыстыру қажет. Депутаттар келесі жылы осы мақсаттарға қаржы бөлу мәселесін қарастыруға тартылды.

Бақылау функциялары шеңберінде депутаттар полиция бөлімі бастығының бірінші орынбасары Б.А. Мусиннің «Кәмелетке толмағандар арасындағы құқық бұзушылықтардың профилактикасы мен балалардың қадағалаусыз және панасыз қалуының алдын алу, сондай-ақ отбасылық-тұрмыстық қатынастар саласындағы проблемалар туралы» бұрын қабылданған қаулыны іске асыру туралы ақпаратын тыңдады. Талқылау қорытындысы бойынша мәселе бақылаудан алынды.

Сондай-ақ депутаттар аудан бюджетін және бірнеше ауылдық округтердің бюджеттерін нақтылау мәселелерін қарап, сессияда бекітуге шешімдердің жобаларын енгізді. Экономика және қаржы бөлімінің басшысы Г.Қ. Қожахметова, ауылдық округтердің әкімдері бюджетке өзгерістер енгізді.

Отырысқа аудандық мәслихат төрағасы А.С. Асанова, аудан әкімінің орынбасары М.М. Жұмабаева, Тимирязев ауданы бойынша мемлекеттік кірістер басқармасының басшысы Б.У. Бәлдіков қатысты.