Депутаттар мектептердің алдағы оқу жылына дайындығын тексеруді жалғастыруда

Білім күні қарсаңында аудандық мәслихат төрағасы А.С. Асанова, депутаттар С.С. Мұстафин, М.А. Уәйісов, Е.Н. Никитенко, аудандық санитариялық-эпидемиологиялық бақылау басқармасы басшысының м. а. С.Қ. Симомбаевамен бірлесіп, оқу жылының басына дайындығын бағалау мақсатында ауданның білім беру мекемелерін тексеруді жалғастырды. Ғимараттардың санитарлық жағдайына, қауіпсіздік мәселелеріне және жалпы техникалық жай — күйіне ерекше назар аударылды.    

Мониторинг қатысушылары С. Мұқанов атындағы ТЖМГ, қазақ мектеп — интернаты, Ақжан, Ақсуат, Дзержинский, Докучаев және Жарқын мектепетеріне барып қайтты.  

С. Мұқанов атындағы Тимирязев мектеп — гимназиясына барған сапардан бұл топ оң әсер алды десек те болады. Жазғы демалыс кезінде мұнда ауқымды жұмыстар кешені өткізілді: еден жабындары, санитарлық тораптағы қабырғалар жаңартылды, заманауи шамдар орнатылды, кіреберіс қанаты қапталды. Мектеп көрінісі заманауи және көзге тартымды бола түсті. Іргелес аумақта балалар ойын алаңы орнатылып жатқанына куә болды, бұл әсіресе мұғалімдерді, оқушылар мен ата-аналарды қуантатыны анық.

Жарқын мектебі де жоғары деңгейде абаттандырылғанына көз жеткізді. Басшылық пен педагогикалық ұжымның тырысып күш салуының арқасында мектеп маңы, барлық жерде отырғызылған әсем гүлдер көздің жауын алады. Докучаев мектебінде орнаған ерекше жайлы атмосфера мен тәртіпті де атап өтпеуге болмады.

Ағымдағы жылы Ақсуат пен Докучаев мектептері заманауи ғылыми оқу кабинеттеріне ие болды, Докучаев мектебі қосымша мультимедиялық сыныппен және жаңа компьютерлермен жабдықталды, бұл болса білім беру процесінің сапасын арттырары сөзсіз.

Сонымен қатар, осы топта болған аудандық мәслихаттың депутаты Е. Н. Никитенко Ақсуат орта мектебіне мультимедиялық кабинет үшін құрылыс қоспалары мен линолеум сатып алуға демеушілік көмек көрсетуге дайын екенін білдірді.

Депутаттар жылыту маусымына дайындық мәселелеріне де ерекше назар аударды. Тимирязев қазақ мектеп —интернатында өткен жылы заманауи блокті — модульдік қазандық орнатылған, от жағушыларға арналған бөлме жабдықталған болатын – мұның бәрі қыс мезгілінде үздіксіз және қауіпсіз жылумен қамтамасыз етуге ықпал етеді.

Сонымен қатар, жекелеген мәселелер де баршылық. Дзержинский мектебінде педагог кадрлары жетіспейді – оларды тарту бойынша жұмыс жүргізіліп те жатыр. Ақжан мектебінде анықталған аз ғана кемшіліктерді жақын арада жою жоспарланды.

Мониторингті қорытындылай келе, қосымша қаржыландыруды талап ететін барлық анықталған ескертулер мен қажеттіліктер әрі қарай қарастыру үшін білім бөліміне жіберілетін болады.

Алда қызықты жаңалықтарға, жаңа білім мен жетістіктерге толы жаңа оқу жылы басталмақ. Барлық оқушыларға, ұстаздар мен ата-аналарға денсаулық, тың шығармашылық табыстар мен бастамалар тілейміз! Биылғы жыл жаңа жеңістер мен жетістіктер жылы болғай!