Депутаттар 2024 жылғы жергілікті бюджеттердің атқарылуы мәселелерін талқылады

Аудандық мәслихаттың тұрақты комиссиясының төрағасы М.А. Уәйісовтің төрағалығымен, аудандық мәслихаттың төрағасы А.С. Асанованың қатысуымен тұрақты комиссиялардың бірлескен отырысы өтті, онда ауданның ауылдық округтерінің өткен жылғы бюджеттерінің атқарылуы туралы есептер алдын ала қаралды.

Ауылдық округтердің әкімдері, бас мамандар түсімдер бойынша, оның ішінде жеке табыстары: салықтық, салықтық емес түсімдер бойынша бюджеттің атқарылу серпіні туралы баяндады, сондай-ақ бюджетті игеруге, мемлекеттік қаражатты тиімді пайдалануға қатысты мәселелер қозғалды.

Көтерілген мәселелер бойынша депутаттар өз пікірлерін білдіріп, талқыға салды. 2024 жылғы жергілікті бюджеттердің атқарылуы туралы шешімдердің жобалары аудандық мәслихат сессиясының қарауына енгізілді.

Бақылау функцияларын жүзеге асыру шеңберінде депутаттар бірқатар басшылардың бұрын қабылданған тұрақты комиссиялардың қаулыларын іске асыру туралы ақпаратын тыңдап, оларды бақылаудан алу туралы шешім қабылдады.

Бұл күні депутаттар мәслихаттың бақылауындағы су мұнараларын салу қорытындылары және оларды одан әрі күтіп ұстау туралы мәселеге қайта оралды, бұл туралы сәулет, құрылыс, ТКШ бөлімінің басшысы М.С. Нұркенов баяндады. Осы мәселенің іске асырылуын бақылау мерзімі ағымдағы жылдың соңына дейін ұзартылды.