Ағымдағы жылдың 26 тамызында аудандық мәслихаттың 25 сессиясы өтті. Сессияны мәслихат төрағасы А. Нұрғалиев ашты.
Ағымдағы жылдың 26 тамызында аудандық мәслихаттың 25 сессиясы өтті. Сессияны мәслихат төрағасы А. Нұрғалиев ашты.
Сессия жұмысына аудан әкімі А. Мұханбетжанова, аудан әкімінің орынбасарлары, аудандық бөлім басшылары, ауылдық округ әкімдері, ауданның қоғамдық кеңесінің мүшелері және БАҚ қызметкерлері қатысты. Сессия жұмысының қабылданған регламентіне сәйкес бірінші мәселе бойынша «Қазақстан Республикасы Президентінің Жарлығына сәйкес аудандық мәслихат депутаттары мен қоғамдық кеңес мүшелерінің алдында жүктелген функциялар мен міндеттер туралы есеп» баяндамасымен Теректі ауданының әкімі А.Мұханбетжанова сөз сөйледі.
Аудандық мәслихат аудан әкімі А. Мұханбетжанованың өзіне жүктелген функциялар мен міндеттердің орындалуы туралы есебін мақұлдау және бекіту туралы шешім қабылдады. Бұл мәселе бұған дейін мәслихаттың тұрақты комиссиясының бірлескен отырысында және Теректі аудандық Қоғамдық кеңесінің отырысында талқыланып, аудан әкімінің жұмысына осындай баға беру ұсынылды
Бұдан әрі депутаттар аудандық ТҮКШЖК және АЖ бөлімі басшысының «Қүзгі-қысқы кезеңдегі жұмысқа тұрғын үй-коммуналдық шаруашылықты дайындау туралы» баяндамасын, ауданның ішкі саясат бөлімі басшысының «Теректі ауданының ішкі саясат бөлімі басшысының атқарылған жұмысы туралы есебі» және Шалқар ауылдық округі әкімінің атқарылған жұмыс туралы есебін тыңдады.
Сессияда қаралған мәселелер бойынша тиісті шешімдер қабылданды.