Қазақстан мен Қытай пошта байланысы саласындағы ынтымақтастықты талқылады

Телекоммуникациялар комитеті Қытай Халық Республикасы Мемлекеттік пошта бюросы бас директорының орынбасары Лю Цзюн мырзамен кездесу өткізді.

Кездесуде тараптар пошта байланысы саласындағы екіжақты ынтымақтастықтың маңызды мәселелерін талқылады. Негізгі қаралған тақырыптар:

• халықаралық пошта тасымалы;
• мамандарды дайындау;
• саланы нормативтік-құқықтық реттеу;
• Дүниежүзілік пошта одағы аясындағы бірлескен қызмет.

Сонымен қатар, Қазақстан мен Қытай арасындағы пошта байланысы саласында жүйелі әріптестік орнатуға негіз болатын Өзара түсіністік туралы меморандум жобасы қаралды.

Кездесу екі ел арасындағы серіктестікті одан әрі нығайтуға және саланың тұрақты дамуына ықпал етеді деп күтілуде.