Тұрақты комиссия отырысы өтті

Бүгін аудандық мәслихат депутаты Е.Көшербаевтың төрағалығымен мәслихаттың бюджет, экономика, инфрақұрылымды және кәсіпкерлікті дамыту жөніндегі және білім, денсаулық сақтау, әлеуметтік, мәдениет, және жастар саясаты, ұйымдастыру және құқықтық мәселелері жөніндегі тұрақты комиссияларының бірлескен отырысы өтті.

Аудандық мәслихаттың кезектен тыс XXХIV-ші сессиясының күн тәртібінде келесі мәселелер қаралды.

1-ші мәселе бойынша, «Алдағы жылыту маусымына дайындық жұмыстарының барысы және қыс мезгілінде аудан аумағында қар шығару, жолдарды қардан тазарту жұмыстарына дайындықтары туралы» баяндама тыңдалды.

Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының м.а. А.Шунишкалиев Тасқала ауданы бойынша әлеуметтік маңызы бар нысандардың жылыту маусымына дайындық жұмыстары жүргізіліп жатқанын таныстырды.

Өз кезегінде аудан әкімі Т.Шакиров маңызды жобалардың ішінде газдандыру жұмыстарына ерекше тоқталып өтті. Аудан бойынша 4 елді мекенде (Еменжар, Алмалы,Жігер,Өркен) газ тарту жұмыстары жүргузілуде. Қазіргі таңда Мерей ауылдық округіне қарасты Өркен ауылы екі ай ішінде толық аяқталып табиғи газға қосылатын болады. Сонымен қатар, биыл Кенжайлау ауылындағы медициналық пунктке және Қалмақшабын ауылдық кітапханасына газ қосу жоспарланғанын атап өтті.

Сондай-ақ, мәслихат төрағасы Ж. Бисенғалиева кезек күттірмейтін бірқатар мәселелерге назар аударды. Атап айтқанда, Оян ауылындағы ауыз су мәселесі, Ақтау ауылындағы су құбырларын трасса бойында күтіп ұстау қажеттілігі, сондай-ақ КБМ-дің іске қосылғандығы туралы мәселелерді талқыға салды.

2-ші мәселе бойынша, аудандық жер қатынастар бөлімінің басшысы А.Губашеваның «Тасқала аудандық жер комиссияcының құрамын бекіту туралы» шешім жобасы тыңдалды.

Бірлескен отырыс соңында комиссиясының төрағасы Е.Көшербаев ұсынылып отырған шешім жобаларын, депутаттардың айтқан ұсыныстарды ескере отырып, сессияда бекітуге ұсынды.