2023 жылғы тамыздағы тұрғын үй нарығындағы бағаның өзгеруі

Тұрғын үй нарығында бір жылда (2022 жылғы тамызға қарағанда биылғы тамызда) жаңа тұрғын үйлер бағасы 4,4% өсті, ал пәтерлерді қайта сату бағасы 2,9% төмендеді. Абаттандырылған тұрғын үйді жалға алу төлемі өткен жылғы тиісті аймен салыстырғанда 2023 жылғы тамызда 17% артты.

Өңірлер бөлінісінде жаңа үйлер нарығында баға жылдық мәнде Ақтау – 18%, Семей – 16%, Павлодар 15,5% қалаларында қымбаттады. Қолданыстағы пәтерлер нарығында баға өсімінің көш басында Семей (25,3%), Ақтөбе (22,5%), Қызылорда (15,5%) қалалары, тұрғын үйді жалға беру нарығында – Көкшетау (37,9%), Қонаев (36,1%), Ақтөбе (34,7%) қалалары.

Тұрғын үй нарығындағы бағаның өзгеруі

пайызбен, өсуі+, төмендеуі-

	1 шаршы метрінің бағасы, теңге	2023 жылғы тамыз		Анықтама: 2023 жылғы шілде
	1 шаршы метрінің бағасы, теңге	2022 жылғы тамызға	2023 жылғы шілдеге	2022 жылғы шілдеге	2023 жылғы маусымға
Жаңа тұрғын үйлерді сату	486 364*	4,4	0,0	4,3	-0,1
Пәтерлерді қайта сату	485 633	-2,9	-1,8	-0,7	-1,7
Абаттандырылған тұрғын үйді жалға алу төлемі	4 831	17,0	2,3	28,6	1,9

Бастапқы, таза әрленген пәтерлердің жалпы ауданының бір шаршы метрінің республика бойынша орташа бағасы.

Бір айдың ішінде (2023 жылғы тамыз 2023 жылғы шілдеге қарағанда) жаңа тұрғын үй баға өзгеріссіз қалды, пәтерлерді қайта сату 1,8% төмендеді. Абаттандырылған тұрғын үйді жалға алу төлемі шілдемен салыстырғанда тамызда 2,3% өсті.

Тұрғын үй бойынша мәміле жасасу көрсеткіші жыл басынан бері ең жоғары көрсеткішке жетіп, 2023 жылғы тамызда 38 810-ға жетті. Оның ішінде жеке үйлер бойынша 10 141 және көппәтерлі үйлердегі пәтерлер бойынша 28 669 мәміле жасалды. 2023 жылдың шілдесімен салыстырғанда (34 225) тұрғын үйді сатып алу-сату мәмілелерінің саны 13,4%-ға өсті. Мәмілелер саны бойынша Астана (6 679 – 18%) және Алматы (5 928 – 15,3%) қалалары, сонымен қатар, Қарағанды облысы (3 705 – 9,5%) көш бастап тұр. Мәмілелер саны Ұлытау облысында ең аз – 410 бірлік (1,1%).

2023 жылдың шілдесімен салыстырғанда тамызда өсім, Ұлытау облысынан (-3,5%) басқа еліміздің барлық өңірінде тіркелді. Ал мәмілелер санының ең көп өсімі Солтүстік-Қазақстан (53%-ға), Жетісу (27,7%-ға) және Жамбыл (26,3%-ға) облыстарында байқалды.

2023 жылдың шілдесімен салыстырғанда, көппәтерлі үйлердегі тұрғын үй мәмілелерінің саны 12,7%-ға (3 225 мәмілеге) өсті. Тамыз айында пәтерлер бойынша барлығы 28 669 мәміле жасалды, бұл мәмілелердің жалпы санының 73,9%-ы. Бөлмелер саны бойынша 2 бөлмелі пәтерлер сатылымы басым болды, тамыз айында олардың жыл басынан ең көп саны ресімделді – 10 924. Көппәтерлі үйлердегі тұрғын үй саудасының негізгі үлесі Астана (23,9%), Алматы (18,7%) қалаларына және Қарағанды облысына (10,6%) тиесілі.

2023 жылдың шілде айымен салыстырғанда, тамызда жеке тұрғын үйлер бойынша мәмілелер саны да 15,5%-ға ұлғайып (1 360 мәмілеге), 10 141-ді құрады. Батыс-Қазақстан (-16%) және Абай (-4%) облыстарын қоспағанда еліміздің барлық дерлік өңірінде оң динамика орын алды.

2023 жылдың тамызында тұрғын үйді сатып алу-сату мәмілелері былтырғы тиісті айымен салыстырғанда 8,8%-ға өсті, ол кезде 35 686 мәміле ресімделген болатын. Ең жоғары өсім көрсеткіші Солтүстік-Қазақстан облысында (80,4%-ға) байқалды. Азаюдың ең жоғарғы көрсеткіші Қызылорда облысында (-15,5%-ға) тіркелді. 2023ж. қаңтар-тамыз айларындағы мәмілелер санының 2022ж. қаңтар-тамыз айларындағы мәмілелер санымен салыстырғанда теріс динамика орын алды – -29%.

Тұрғын үйді сатып алу-сату мәмілелері*

пайызбен, өсу +, кему –

	2023 жылдың тамызындағы тұрғын үйді сатып алу-сату мәмілелерінің саны	Оның ішінде								2023 жылғы тамыз		2023 жылғы қаңтар-тамыз 2022 жылғы қаңтар-тамызға
		жеке үйлер	көп пәтерлі үйлердегі пәтерлер	оның ішінде						2023 жылғы тамыз
		жеке үйлер	көп пәтерлі үйлердегі пәтерлер	1-бөлмелі	2-бөлмелі	3-бөлмелі	4-бөлмелі	5-бөлмелі	6-бөлмелі және одан көп	2023 жылғы шілдеге	2022 жылғы тамызға
Қазақстан Республикасы	38 810	10 141	28 669	10 783	10 924	5 738	1 081	116	27	13,4	8,8	-29,0
Абай	1 027	429	598	174	237	155	30	2	0	12,6	27,6	612,4
Ақмола	1 722	674	1 048	354	427	228	30	8	1	18,3	8,9	-33,8
Ақтөбе	1 632	375	1 257	392	560	251	50	3	1	12,5	-4,1	-38,7
Алматы	2 014	1 129	885	426	317	132	10	0	0	14,2	26,3	-45,6
Атырау	1 149	397	752	158	376	166	44	7	1	16,6	-1,2	-43,8
Батыс Қазақстан	1 059	345	714	246	292	155	21	0	0	3,1	-5,0	-31,2
Жамбыл	1 386	720	666	172	270	178	44	2	0	26,3	30,5	-22,2
Жетісу	1 032	562	470	123	182	129	35	1	0	27,7	42,1	692,1
Қарағанды	3 705	668	3 037	775	1 429	668	150	14	1	18,8	13,0	-54,2
Қостанай	1 626	494	1 132	422	447	236	26	1	0	23,9	36,3	-35,1
Қызылорда	755	441	314	56	140	99	17	2	0	25,8	-15,5	-35,4
Маңғыстау	1 802	497	1 305	396	522	297	62	26	2	12,3	3,2	-45,5
Павлодар	1 128	338	790	286	282	188	32	2	0	7,3	32,2	-39,6
Солтүстік Қазақстан	1 180	492	688	258	253	163	13	0	1	53,0	80,4	-17,1
Түркістан	1 268	873	395	135	114	114	27	5	0	5,1	-13,0	-39,4
Ұлытау	410	88	322	62	162	75	22	0	1	-3,5	-0,5	528,4
Шығыс Қазақстан	1 482	506	976	319	393	222	41	1	0	16,5	38,8	-54,1
Астана қаласы	6 979	115	6 864	3 158	2 350	1 091	233	24	8	4,6	9,2	-8,3
Алматы қаласы	5 928	564	5 364	2 561	1 734	898	148	14	9	13,6	-7,2	-10,4
Шымкент қаласы	1 526	434	1 092	310	437	293	46	4	2	3,5	-4,6	-18,4

*Ақпарат Қазақстан Республикасы Әділет министрлігі мен «Азаматтарға арналған үкімет» мемлекеттік корпорациясы» КЕАҚ деректері негізінде дайындалған

ҚР СЖРА Ұлттық статистика бюросы тұрғын үй бағасы бойынша ай сайын мониторинг жүргізеді. Баға индекстері облыс орталықтары мен Астана, Алматы, Шымкент қалалары бойынша іріктеп байқау деректері негізінде қалыптастырылады. Жаңа тұрғын үйлер бойынша ақпарат сату бойынша операциялар жүргізетін құрылыс компанияларынан жиналады, бұл ретте пәтердің бастапқы және таза әрленгендегі бағасы ескеріледі. Пәтерлерді қайта сату және жалға алу бойынша деректер интернетте, бұқаралық ақпарат құралдарында орналастырылатын хабарландырулар негізінде жиналады. Бағаларды есептеу кезінде бір, екі, үш бөлмелі пәтерлер бойынша ұсыныстар есепке алынады.