109 мың бірлік автокөлік құралы қараша айында есепке қойылды
2022 жылғы қарашада есепке 109 мың бірлік автокөлік1) құралы қойылды, өткен жылдың сәйкес кезеңімен салыстырғанда көрсеткіш 29,3% артты, оның ішінде жеңіл автомобильдер –26,6%-ға, жүк автомобильдері – 85,9%-ға, автобустар – 6%-ға артты.
Мәселен, 2022 жылғы 1 желтоқсандағы жағдай бойынша Қазақстанда тіркелген автокөлік құралдарының саны 4403,6 мың бірлікті құрады, оның ішінде 87,8%-ды жеңіл автомобильдер, 10,1%-ды жүк автомобильдері және 2,1%-ды автобустар.
2022 жылғы қаңтар-қарашада 13 407 жол-көлік оқиғасы тіркеліп2), 19 511 адам зардап шеккен. Өткен жылғы тиісті кезеңмен салыстырғанда апат саны 9,2%-ға артқан, ол кезде 12 272 жол-көлік оқиғасы болып, 17 896 адам зардап шеккен.
2022 жылғы 1 желтоқсандағы жағдай бойынша көлік құралдары иелерінің азаматтық-құқықтық жауапкершілігін міндетті сақтандыру бойынша сақтандыру ұйымдары 44,9 млрд. теңге сомасында 84 631 сақтандыру төлемін жүзеге асырды3). 2021 жылғы сәйкес мерзіммен салыстырғанда сақтандыру төлемдерінің саны 13,6%-ға, сомасы 32,4% өскен.
1)Қазақстан Республикасы Ішкі істер министрлігінің деректері бойынша.
2) Қазақстан Республикасы Бас прокуратурасының Құқықтық статистика және арнайы есепке алу жөніндегі комитетініңдеректері бойынша.
3)) Қазақстан Республикасы Ұлттық Банкінің деректері бойынша