Қазақстан Республикасының ЕАЭО елдерімен өзара саудасы 5,4% көбейді

Алдын ала деректер бойынша Қазақстан Республикасының ЕАЭО елдерімен 2022 жылғы қаңтар-сәуірдегі өзара саудасы 7 725,6 млн АҚШ долларын құрап, өткен жылдың сәйкес кезеңімен салыстырғанда номиналды мәнде 5,4% көбейді.

2022 жылғы қаңтар-сәуірдегі тауарлар экспорты 2 298,7млн АҚШ доллары деңгейінде қалыптасты (1,2% көп), импорт – 5 426,9 млн. АҚШ доллары (7,4% көп).

Қазақстан Республикасының ЕАЭО елдерімен сыртқы сауда айналымының жалпы көлемінде Ресей Федерациясына – 93,1%, Қырғызстан Республикасына – 3,8%, Беларусь Республикасына – 3,1%, Армения Республикасына – 0,06% келеді.

Қазақстан Республикасының ЕАЭО елдерімен өзара саудасы

                                                      (млн АҚШ доллары)

	Экспорт		Импорт
ЕАЭО елдері	қаңтар-сәуір 2021ж.	қаңтар-сәуір 2022ж.	қаңтар-сәуір 2021ж.	қаңтар-сәуір 2022ж.
Ресей	2 038,8	2 096,6	4 744,7	5 092,4
Қырғызстан	193,0	177,7	83,4	117,6
Беларусь	38,1	22,6	223,6	213,9
Армения	2,1	1,8	3,0	3,0
Барлығы	2 272,0	2 298,7	5 054,7	5 426,9

ЕАЭО елдерімен экспорт бойынша өткен жылдың сәйкес кезеңімен салыстырғанда жасанды корунд (алюминий оксиді, алюминий гидроксиді) бойынша ең жоғарғы өсім – 3,2 есеге өсу байқалды. Бұл ретте күйдірілген пиритті қоса алғанда, темір кендері мен концентраттары бойынша төмендеу байқалады (42,1% аз).

         Импортта бидай мен меслиннің өсімі байқалады – 3,2 есе. Бұл ретте ЕАЭО елдерінен жеңіл автомобильдер және өзге де моторлы көлік құралдарын алу көрсеткіші төмендеген  (43,6 % аз).