«Statdatathon» байқауына шақырамыз

«Statdatathon» конкурсы – деректер негізінде әлеуметтік-экономикалық, әдіснамалық мәселелерді шешудің жаңа тәсілдерін іздеу, сондай-ақ деректерді басқару мәдениетін және деректерге негізделген шешім қабылдау тәжірибесін ілгерілету мақсатында өткізілетін дата-жобалар сайысы.

 

Тәуелсіз Мемлекеттер Достастығының мемлекетаралық статистикалық комитетінің көмегімен Қазақстан Республикасы Стратегиялық жоспарлау және реформалар агенттігінің Ұлттық статистика бюросы конкурсты ұйымдастырушы болып табылады. Конкурстың серіктестері – «El Umiti» корпоративтік қоры және «Alem.ai Foundation» корпоративтік қоры.

 

Конкурсқа жоғары оқу орындарының студенттері, әлеуметтік ғылымдар саласындағы зерттеушілер, талдаушылар, бағдарламашылар және деректермен жұмыс істейтін басқа да мамандар шақырылады. Байқауға ТМД-ға қатысушы мемлекеттердің 18 жастан 35 жасқа дейінгі (қоса алғанда) азаматтары қатыса алады.

 

Қатысу үшін 2-ден 5 адамға дейін команда құру қажет, экономика және басқа да әлеуметтік ғылымдар саласындағы білім, сондай-ақ статистикалық қосымшалармен, бағдарламалау тілдерімен және BI-құралдармен жұмыс істеу дағдылары құпталады.

 

Конкурс екі бағыт бойынша өткізіледі:

 

Data to Policy – деректерді талдау, әлеуметтік-экономикалық заңдылықтарды анықтау және басқарушылық шешімдер қабылдау үшін практикалық ұсынымдар әзірлеу.

 

AI for Official Statistics – ресми статистиканы жинау, өңдеу және талдау үшін жасанды интеллектіні қолдана отырып IT-шешімдер әзірлеу.

 

Жеңімпаздарды құнды сыйлықтар және өз әзірлемелерін ресми статистика, деректерді талдау және жасанды интеллект саласындағы сарапшыларға таныстыру мүмкіндігі күтеді.

 

Қосымша ақпарат datathon.stat.gov.kz. сайтында қол жетімді.