2025 жылы 20,1 млн м2 тұрғын үй пайдалануға берілді

2025 жылдың қаңтар–желтоқсан айларының қорытындысы бойынша пайдалануға берілген тұрғын үйлердің жалпы ауданы 2024 жылмен салыстырғанда 5,1% артып, 20 099,1 мың м² құрады.

Оның ішінде:

13 523,7 мың м² – көппәтерлі тұрғын үйлер

6 416,2 мың  м² – жеке тұрғын үйлер

Пайдалануға берілген тұрғын үй көлемі бойынша көшбасшы өңірлер:

• Астана – 4 812,5 мың м²

• Алматы – 2 607,7 мың м²

• Шымкент – 1 381,9 мың м²

2024 жылмен салыстырғанда ең жоғары өсім Жетісу (+11%), Алматы (+10,2%) және Қарағанды облыстарында (+9%) тіркелді.

Тұрғын үйлердің негізгі бөлігі, яғни жалпы көлемнің 90%  немесе 18 098,8 мың м² жеке құрылыс салушылар тарапынан пайдалануға берілді. Сонымен қатар халықтың өз күшімен салған тұрғын үйлерінің көлемі 7 120,6 мың м² құрады.

Жалпы 12 айда 37 219 тұрғын үй ғимараты пайдалануға берілді, оның ішінде 2 591-і көппәтерлі тұрғын үй (185,8 мың пәтер).

Жалпы, 2025 жылы Қазақстанда құрылыс жұмыстарының көлемі 15,9% өсіп, 10 704,8 млрд теңгені құрады.