Ұлттық статистика бюросының алты қызметкері Конституция күніне орай мерейтой медалімен марапатталды

Қазақстан Республикасы Конституциясының 30 жылдығы қарсаңында Ұлттық статистика бюросының алты қызметкері мемлекет пен қоғам мүддесіне адал қызмет еткені және жоғары кәсіби біліктілігі үшін «Қазақстан Конституциясына 30 жыл» мерейтой медалімен марапатталды.

Қазақстан Республикасы Президентінің Жарлығына сәйкес, бұл марапат мемлекеттің конституциялық негіздерін қалыптастыруға және дамытуға елеулі үлес қосқан, сондай-ақ мемлекеттік қызметке адалдығы мен кәсіби шеберлігін көрсеткен қызметкерлерге табысталды.

Салтанатты жиын барысында Ұлттық статистика бюросының басшысы Мақсат Тұрлыбаев келесі қызметкерлерге мерейтой медальдерін тапсырды:

1. Мисюра Марина Владимировнаға – Қызмет көрсету және энергетика статистикасы департаментінің директоры;
2. Торғауытова Ирина Сағындыққызына – Өндіріс және қоршаған орта статистикасы департаменті директорының орынбасары;
3. Сәрсембеков Санат Қайратұлына – Құжаттамалық қамтамасыз ету және мемлекеттік тіл басқармасының басшысы;
4. Садуов Серғазы Тұрсынұлына – Бюроның Ақпараттық-есептеу орталығының деректер сапасын бақылау департаментінің директоры;
5. Арыстаналиева Роза Сапарқызы – Батыс Қазақстан облысы бойынша департамент басшысының орынбасары
6. Оқубаева Жазира Маратқызына – Ұлттық статистика бюросының баспасөз хатшысы.

Салтанатты рәсім барысында Бюро басшысы Конституцияның мемлекеттілік, демократиялық құндылықтар мен құқықтық кепілдіктердің негізі ретіндегі маңыздылығын атап өтті.

«Бұл – халықтың еркін білдіретін, демократиялық, зайырлы және құқықтық мемлекет құруға ұмтылысын айқындайтын маңызды мемлекеттік мерекелердің бірі. Конституция әрбір азаматқа теңдік, бостандық және әділдікке кепілдік береді. Сіздердің еңбектеріңіз осы қағидаттардың күнделікті жұмыста жүзеге асуына септігін тигізеді. Баршаңызды Конституцияның 30 жылдығымен құттықтаймын, зор денсаулық, табыс пен береке-бірлік тілеймін», – деді ол құттықтау сөзінде.

Марапаттау рәсімі соңында жаңадан қабылданған мемлекеттік қызметшілердің ант беру рәсімі өтті. Бюроға жұмысқа қабылданған 3 жас маман Қазақстан Республикасының мемлекеттік қызметшісі ретінде салтанатты түрде ант берді.

Салтанатты жиын барысында Ауыл шаруашылығы статистикасы және ұлттық санақтар департаментінің сарапшысы Ақмоншақ Құралбек әріптестеріне арнап жүрекжарды өлең жолдарын арнады.

Конституция күніне арналған құттықтау

Ата Заңым – азаттық пен айбыным,

Әділет деп асқақтаған бар үнім.

Халық үшін қызмет етер мәңгілік,

Бір елімнің еңсесіндей байлығым.

Ата Заңым – елдің алтын тұғыры,

Тәуелсіздік, татулықтың ұлы үні.

Әр бап, әр жол – халық үшін қорғаған,

Кемел елдің мәңгі жарқын ғұмыры.

Отбасы деген әрбір елдің тірегі,

Махаббат пен мейірімнің жүрегі.

Бақыт қонсын, шаттық толсын әр үйге,

Қуаныштың жайнай берсін гүлдері.

Сіздерге тілек – денсаулық пен жақсылық,

Жүрегінде ар мен намыс, тектілік.

Жарқын күндер, асқақ арман серік боп,

Өмір сүрсін шаттықпен бар тіршілік.

Статистика бұл – ақиқатты сөйлеткен,

Сандармен шындық сырын өрнектеген.

Бюромызда еңбегі бар әр жанға,

Тілек айтам – шыңға биік өрлеңіз деген.

Әріптестер – бірлігіміз, қуатымыз,

Әділдік пен адалдық – мұратымыз.

Санға қарап елдің ертеңін болжайсыздар,

Биік болсын әрқашанда ұлы атыңыз.

Құтты болсын Конституция мерекесі,

Арта берсін бейбіт елдің берекесі.

Татулық, ынтымақпен өмір сүрсек,

Жарқырайды Қазақстанның келешегі.

Мерекеде айтқаным ғой бар тілегім,

Қабыл алыңыздар әріптестің шын жүрегін.

Ата Заңның айбынымен асқақтап,

Бірлікте жасай берсін бар тірегім.

Құралбек Ақмоншақ