Қызылорда облысы бойынша Ұлттық статистика бюросының Департаментінде «Бір терезе» аймағы жаңартылды
Қызылорда облысы бойынша Ұлттық статистика бюросының Департаментінде респонденттермен жұмыс істеуге арналған «Бір терезе» аймағы жаңартылып, пайдалануға берілді. Жөндеу жұмыстары жүргізіліп, келушілерді қабылдау мен кеңес беру жағдайлары жақсартылды.
Жаңартылған кеңседе ыңғайлы жұмыс орындары мен заманауи инфрақұрылым орнатылған. Қолайлылық үшін электрондық кезек жүйесі енгізілді. Бұл қабылдауды тиімді ұйымдастыруға мүмкіндік береді. Респонденттер бұрынғыдай өзіне-өзі қызмет көрсету аймағында статистикалық есептерін тапсыра алады. Қажет болған жағдайда кеңесшілер нысандарды толтыруға көмектесіп, сұрақтарға жауап береді.
«Қазіргі уақытта ауыл шаруашылығы санағына байланысты «Бір терезе» аймағы күшейтілген режимде жұмыс істеп жатыр. Мұнда санақтан өтіп, есептерді тапсыру мерзімдеріне қатысты жиі қойылатын сұрақтарға жауап алуға болады. Біздің кеңесшілер әрқашан көмек көрсетуге дайын», – деді Ұлттық статистика бюросының басшысы Мақсат Тұрлыбаев.
Статистикалық есептерді тапсырудың өзекті мерзімдерін жеке кабинеттегі «Жүгіртпе» бөлімінен, сондай-ақ @statgovkz_bot телеграм-боты арқылы БСН нөмірін енгізіп, өзекті нысандар мен мерзімдер тізімін жүктеу арқылы білуге болады.
Барлық сұрақтар бойынша 1446 байланыс орталығынан кеңес алуға болады.
Естеріңізге сала кетейік, салалар бойынша статистикалық ақпарат уақтылы тапсырылған есептер мен шынайы деректер негізінде қалыптасады. Бұл мәліметтер негізделген және тиімді шешімдер қабылдау үшін аса маңызды.