Бюро Jańa Dala 2025 көрмесінде алдағы ауыл шаруашылығы санағы туралы айтып берді

Бюро Jańa Dala / Green Day 2025 агроөнеркәсіптік көрмесінде алдағы ауыл шаруашылығы санағына арналған ақпараттық сессия өткізді. 

Мамандар еліміздің барлық өңірін қамтитын санақтың мақсат-міндеттері туралы айтып берді. Оған фермерлер, агрокәсіпорындар мен жеке шаруашылықтардың қатысуы қажеттігіне баса назар аударылды. 

Санақ барысында жиналған мәліметтер мемлекеттік аграрлық саясатқа, саланы қолдауға және ресурстарды бөлуге негіз болады. Ауыл шаруашылығы санағы жерді пайдалану құрылымы, мал саны мен құрамы, қолданылатын техника, шаруашылық жүргізу нысандары және агросектордың басқа да негізгі аспектілері туралы өзекті ақпарат алуға мүмкіндік береді. 

Көрмеге 20 елден 200-ден астам компания және фермерлер мен бизнес өкілдерінен бастап халықаралық сарапшыларға дейін 5 мыңнан астам қатысушы қатысты. Бюро стендіне келушілер кеңес алып, сұрақтар қойып, қатысу ерекшеліктерімен таныса алды. 

Жаңа Дала / Green Day - Қазақстандағы ең ірі агроөнеркәсіптік көрме, онда органикалық егіншілік, ветеринария және селекция, ауыл шаруашылығын роботтандыру, цифрландыру және т. б. мәселелер талқыланады.