Алуа Балқыбекова бокстан әлем чемпионатының ширек финалына шықты

Қазақстандық спортшы Алуа Балқыбекова Сербияның Ниш қаласында өтіп жатқан бокстан әлем чемпионатында сәтті өнер көрсетіп жатыр. 50 кг дейінгі салмақ дәрежесіндегі 1/8 финалдық жекпе-жекте ол марокколық Ясмин Мутакиді сенімді түрде жеңді.

Балқыбекова жекпе-жектің басынан-ақ бастаманы өз қолына алып, алғашқы раундта 5:0 есебімен жеңіске жетті. Екінші раундта да дәл осындай нәтиже көрсетіп, төрешілердің бірауыздан қабылдаған шешімімен (5:0) айқын басымдықпен жеңді.

Айта кетейік, Ясмин Мутаки – 2023 жылғы әлем чемпионатының қола жүлдегері, Африканың үш дүркін чемпионы (2017, 2023, 2024) және құрлықтық біріншіліктің екі мәрте жүлдегері.

Алуа Балқыбекова – әлем чемпионатының екі дүркін жүлдегері (2022 жылы, күміс, 2023 жылы, қола) және Азияның екі дүркін чемпионы (2021, 2022). Турнирдің алғашқы кездесуінде ол кениялық Вероника Нзивуді сенімді түрде жеңіп (5:0), қарсыласын нокдаунға жіберген болатын.

🔺Ширек финалда қазақстандық боксшы түркиялық Айсен Ташкінмен кездеседі. Жекпе-жек 13 наурызда өтеді.