XIX Жазғы Азия ойындары 2023 жылдың 23 қыркүйегі мен 08 қазан аралығында өтеді

XIX Жазғы Азия ойындары 2023 жылдың 23 қыркүйегі мен 08 қазан аралығында ҚХР, Ханчжоу қаласында өтеді. Қытайда Азиада-2022 өткізу туралы шешімді 2015 жылғы 16 қыркүйекте Азия Олимпиада кеңесі (АОК) қабылдады.

Ойындарды бастапқыда 2022 жылдың 10-25 қыркүйек аралығында өткізу жоспарланған болатын, алайда COVID-19 коронавирустық пандемиясына байланысты AOК Ханчжоу-2022-ні 2023 жылға ауыстырғанын жариялады.

Жазғы 19-шы Азия ойындарында барлығы 474 медаль жиынтығы ойналады, оның 381-і олимпиадалық спорт түрлерінен, 93-і олимпиадалық емес спорт түрлерінен. Жарыс 61 спорттық пән бойынша өтеді, оның ішінде 45 - олимпиадалық, 16 - олимпиадалық емес спорт түрлері бойынша.

Ойындардың спорттық нысандары: барлығы 44 жарыс өтетін орын белгіленген

Спорттық бағдарлама: 40 спорт түрінен / 61 пәннен

Қатысушы елдер саны: 45.

Ойындардың ашылу салтанаты: 2023 жылдың 23 қыркүйегі, Ханчжоу Спортс Паркі стадионы

Ойындардың жабылу салтанаты: 2023 жылдың 08 қазаны, Ханчжоу Спортс Паркі стадионы.