Конкур: Қазақстан Ташкенттегі турнирде 3-алтынға қол жеткізді

Өзбекстан астанасы Ташкентте ат спортынан халықаралық турнир өтіп жатыр.

Бүгін отандасымыз Олег Соколенко SHENANIGAN тұлпарымен 125 см биіктіктегі маршрутта жеңімпаз атанды. Бұл Қазақстан құрамасының еншісіндегі 3-алтын.

Кеше, жарыстың алғашқы күнінде 120 см маршрутта Бекжан Байжанұлы (KING DIAMOND) және 140 см маршрутта Ксения Баталова (LADY DI) 1-орын алған.

Сонымен қатар Олег Соколенко Ташкентте күміс пен қолаға қол жеткізіп үлгерген. Кеше әлем кубогы мен Гран-при жарысқа іріктеу саналатын 140 см маршрутта (CINDERELLA тұлпарымен) 2-ші, 120 см кедергілер жолында (SHENANIGAN тұлпары) 3-ші нәтиже көрсетті.
Сондай-ақ Нурила Тұрысбекованың (QUIBELLE VAN D’ABELENDREEF) еншісінде тағы қола медаль бар.

Қазір Қазақстан спортшыларында 3 алтын, 1 күміс, 2 қола болды. Жарыс 26 сәуірде аяқталады.

Алдағы уақытта біздің команданы 26 сәуірде өтетін FEI Jumping World Cup Grand Prix «Eurasian League» кезеңі күтіп тұр. Онда қатысушылар кедергілер биіктігі 155 см-ге дейінгі маршрутта бақ сынайды.