Қазақстан ерлер құрамасы Саньяда жеңіліссіз келе жатыр

​Қытайдың Санья қаласында өтіп жатқан Азия жағажай ойындарында жағажай волейболынан топтық кезең жалғасып жатыр.

​Дмитрий Яковлев пен Абдулмажид Мохаммад Малайзия елінің жұбы Мұхаммад Исма Хазик Бин Исмаил мен Ен Джен Танды 2-0 (21:12, 21:13) есебімен сенімді түрде жеңді.

​Сондай-ақ Сергей Богату мен Кирилл Гурин де жеңіске жетті. Олар Бангладеш құрамасын (Хоросит Бисвас пен Шихаб Ахмед) екі партияда қапы қалдырды. Матч қорытындысы: 2-0 (21:15, 21:14).
​Қазіргі таңда Қазақстан жұптары турнирде бірде-бір рет жеңілген жоқ: Богату мен Гурин үш матчта жеңіске жетсе, Яковлев пен Мохаммад екі ойынның екеуінде де басым түсті.

Фото: Никита БАСОВ