Кёрлингтен аралас командалық сайыстағы Қазақстан чемпиондары белгілі болды

Астана қаласында кёрлингтен Қазақстан чемпионаты жалғасып жатыр.

Бүгін аралас командалық сайыстағы үздіктер анықталады. Нәтижесі мынадай:

1-орын: Астана қаласы командасы
2-орын: Қостанай облысы
3-орын: Алматы облысы

Осы бағдарламадағы жүлдегерлерді ҚР Туризм және спорт министрінің орынбасары Серік Жарасбаев келіп, марапаттады.

Айта кетейік, жарысқа еліміздің 8 өңірінен 100-дан астам спортшы қатысып жатыр. Чемпионат Ұлттық құраманы жасақтау, халықаралық жарыстарға іріктеу және кёрлинг спортын өңірлерде дамыту мақсатында ұйымдастырылып отыр.