Шаңғы қоссайысы: Шыңғыс Рақпаров карьерасындағы екінші Олимпиаданы аяқтады

Бүгін Италияның Валь-ди-Фьемме өңіріндегі «Предаццо» стадионында Милан-Кортина Олимпиадасында шаңғы қоссайысынан ерлер арасындағы жүлдегерлер белгілі болды. Бұл сында ел намысын Шыңғыс Рақпаров қорғады.

Ұлттық құрама спортшысы шаңғымен еркін стильде 10 шақырымға жарыста мәреге 32-ші болып келді. Оның уақыт көрсеткіші 32 минут, 42 секунд.

Айта кетейік, күндіз Шыңғыс үлкен тұғырдан (HS130+) секіруде 108 метрмен 88.4 ұпай жинап, 35-ші сатыдан көрінген.

Шаңғы қоссайысы, үлкен трамплин жүлдегерлері:
1. Енс Лурос Офтебру (Норвегия)
2. Йоханнес Лампартер (Аустрия)
3. Илькка Херола (Финляндия)

Айта кетейік, бұл Шыңғыстың карьерасындағы екінші Олимпиада. Ол 4 жыл бұрын Бейжіңде спорттың осы түрінен ақ ойындарға жолдама алған тұңғыш отандасымыз атанған.