Евгений Федоров тас жолдағы велоспорттан кезекті рет Азия чемпионы атанды

Әл-Қассим қаласында (Сауд Арабиясы) өтіп жатқан тас жолдағы велоспорттан сары құрлықтың додасында Евгений Федоров екінші алтын медалін жеңіп алды.

Бүгін 154.4 шақырымды құрайтын топтық бәсекеде отандасымыз қарсылас шақ келтірмеді. Ол бұған дейін жекелей сайыста та үздік шыққан еді.

1-орын. Евгений Федоров
2-орын. Хаоуи Су (Қытай)
3-орын. Абдулла Жасим Әл-Әли (БАӘ)

Азия чемпионаты 12 ақпанда мәресіне жетеді. Биылғы додада Азия құрлығының 22 елінен 621 спортшы жүлдеге таласып жатыр.