Қазақстан қоржынында 10 медаль: 17 қараша

Токиода өтіп жатқан XXV-ші жазғы Сурдлимпиаданың екінші жарыс күні  мәресіне жетті. Қазақстан құрамасы жарыс басталғалы  10 медаль жеңіп алды:  5 алтын, 1 күміс және 4 қола.

Сурдо дзюдодан Хамза Ғұлама (-66 кг), Шадияр Қуандық (-73 кг), Еркебұлан Канафин (-81 кг) және Амина Файзулина (-70 кг)  алтын медаль еншілесе, күміс медальді Айдарбек Тоқтарбек (-100 кг) алды, ал  Сабиржан Хапизов (+100 кг),  Алтынбек Кәкітаев  (-60кг), Айым Жетпісбаева (-48 кг), Анна Карморова (-78 кг)  жұбаныш белдесулердің қортындасы бойынша қола жүлдегер атанды.

Жеңіл атлетикадан Фаина Мейірманова биіктікке секіруден 1.79 м нәтижемен Сурдлимпиаданың рекордын жаңартып,  чемпион атанды. 

Сурдлимпиада 5-26 қараша аралығында өтеді. Есту қабілеті зақымданған спортшылар арасында төрт жылда бір өтетін дүбірлі додаға 81 елден 3000-ға жуық спортшы қатысып, 21 спорт түрінен 209 дисциплинада бақ сынауда.

Қазақстан ұлттық құрамасының 78 спортшысы 8 спорт түрі бойынша ел намысын қорғап жатыр.